စိတ်ကျဝေဒနာ (Depression) အကြောင်း သင် သိထားသင့်သည့်အချက်များ (January 2023)
သင့်ကိုယ်သင် စိတ်ကျဝေဒနာ ခံစားနေရသည်ဟု ယူဆပါက ဤစာကို ဆက်ဖတ်ပါ…
စိတ်ကျဝေဒနာ (Depression) ဆိုသည်မှာ အဘယ်နည်း
စိတ်ကျဝေဒနာသည် လူတိုင်းတွင် ဖြစ်နိုင်ပါသည်။ အားနည်းခြင်း၏ လက္ခဏာတစ်ရပ် မဟုတ်ပါ။
အမြဲတစေ ဝမ်းနည်းနေခြင်း၊ ပုံမှန်ချိန်တွင် သဘောတကျ ပြုလုပ်လေ့ရှိသော လုပ်ဆောင်မှုများတွင် စိတ်ဝင်စားမှု မရှိတော့ခြင်းတို့ကို ခံစားရနိုင်ပြီး နေ့စဉ် လုပ်ငန်းဆောင်တာများကို ဆောင်ရွက်ရာတွင်လည်း အခက်အခဲများ ကြုံတွေ့ရနိုင်ပါသည်။
စိတ်ကျရောဂါရှိသူများသည် ပုံမှန်အားဖြင့် အောက်ပါရောဂါလက္ခဏာများ ခံစားရနိုင်ပါသည်။
အားအင် ကုန်ခန်းခြင်း၊ အစား စားချင်စိတ် ပြောင်းလဲခြင်း၊ ပို၍အိပ်ခြင်း သို့မဟုတ် အအိပ်နည်းခြင်း၊ စိုးရိမ်ပူပန်တတ်ခြင်း၊ အာရုံစူးစိုက်နိုင်မှု လျော့နည်းခြင်း၊ မဆုံးဖြတ်နိုင်ခြင်း၊ ဂနာမငြိမ်ခြင်း၊ တန်ဖိုး မရှိတော့သကဲ့သို့ ခံစားရခြင်း၊ အပြစ်ရှိစိတ် ခံစားရခြင်း သို့မဟုတ် မျှော်လင့်ချက်မဲ့ခြင်း၊ မိမိကိုယ်မိမိ ထိခိုက်အောင် ပြုလုပ်လိုစိတ် သို့မဟုတ် အဆုံးစီရင်လိုစိတ်များ တွေးမိခြင်း။
သို့သော် စိတ်ပူရန် မလိုပါ။ စိတ်ကျဝေဒနာကို စကားပြောကုထုံး သို့မဟုတ် ဆေးပေးခြင်း သို့မဟုတ် နှစ်မျိုးလုံးဖြင့် ကုသနိုင်ပါသည်။
++++++++++++++++++++++++++++
သင် ဘာလုပ်နိုင်ပါသလဲ
သင်ခံစားနေရသည်များကို သင်ယုံကြည်ရသူ တစ်ယောက်ထံ ရင်ဖွင့်ပါ။ လူအများစုသည် ၎င်းတို့ကို ဂရုတစိုက်ရှိသော သူများနှင့် စကားပြောခြင်းဖြင့် အထောက်အကူရကြောင်း တွေ့ရှိရပါသည်။
ကျွမ်းကျင်သူများထံမှ အကူအညီ ရယူပါ။ သင့်အနီးအနားတွင်ရှိသော ကျန်းမာရေးဝန်ထမ်း သို့မဟုတ် ဆရာဝန်တစ်ဦးနှင့် ဆက်သွယ်ခြင်းသည်လည်း ကောင်းမွန်သော လမ်းစတစ်ခု ဖြစ်နိုင်ပါသည်။
ပုံမှန်အားဖြင့် သဘောကျနှစ်သက်လေ့ရှိသော လုပ်ဆောင်မှုများကို ဆက်လက် ကြိုးစားပြုလုပ်ပါ။
မိတ်ဆွေသူငယ်ချင်း၊ မိသားစုများနှင့် အဆက်အသွယ်မပြတ် ရှိနေပါစေ။
ခဏတဖြုတ် လမ်းလျှောက်ခြင်းဖြစ်စေ ကိုယ်လက်လှုပ်ရှားမှု လေ့ကျင့်ခန်းကို ပုံမှန် ပြုလုပ်ပါ။
ပုံမှန် စား၊ အချိန်မှန် အိပ်နိုင်အောင် တတ်နိုင်သမျှ ကြိုးစားပါ။
အရက်ကို ရှောင်ကြဉ်ပါ သို့မဟုတ် အရက်သောက်သုံးမှုကို ထိန်းချုပ်ကန့်သတ်ပါ။ မူးယစ်ဆေးဝါးများ သုံးစွဲခြင်းမှ ရှောင်ကြဉ်ပါ။ ၎င်းတို့သည် စိတ်ကျဝေဒနာကို ပိုမို ဆိုးရွားစေနိုင်ပါသည်။
မိမိကိုယ်မိမိ အဆုံးစီရင်လိုစိတ်ကို ခံစားမိပါက သင်ယုံကြည်ရသူ တစ်ဦးဦးကို ဆက်သွယ်ပြီး အကူအညီတောင်းပါ သို့မဟုတ် အရေးပေါ်ဌာနများကို ဆက်သွယ် အကြောင်းကြားပါ။
++++++++++++++++++++++++++++
အထူးသတိပြုရန်
မှန်ကန်သော ပံပိုးမှုဖြင့် ပိုမို သက်သာကောင်းမွန်လာနိုင်ပါသည်။ ထို့ကြောင့် သင့်ကိုယ်သင် စိတ်ကျဝေဒနာ (Depression) ရှိနေပြီဟု ခံစားမိပါက အကူအညီ ရှာဖွေတောင်းခံပါ။
Source: World Health Organization (WHO)
ကျန်းမာရေးဝန်ကြီးဌာန၊ အမျိုးသားညီညွတ်ရေးအစိုးရ
++++++++++++++++++++++++++++
စိတ်ကျန်းမာရေးပြဿနာများနှင့် စိတ်ပိုင်းဆိုင်ရာအခက်အခဲများကို တိုင်ပင်ဆွေးနွေးနိုင်ရန်-
တယ်လီကျန်းမာ အွန်လိုင်းဆေးခန်း
https://facebook.com/telehealthmm
Nway Oo Clinic – နွေဦးဆေးခန်း
https://facebook.com/nwayooclinic
တိုင်ပင်ဖော် ဝန်ဆောင်မှု
https://facebook.com/taingpinphaw
Mind Healers -စိတ်ခွန်အားပေးသူများ
https://facebook.com/MindHealersMM
#nugmoh#depression#စိတ်ကျဝေဒနာ#စိတ်ကျရောဂါ#စိတ်ကျခြင်း#စိတ်ကျ
Ministry of Health,
National Unity Government.
Published on: 19 January 2023
Last Updated: 19 January 2023