အမေရိကန်ပြည်ထောင်စု၊ ကယ်လီဖိုးနီးယားပြည်နယ်တွင် မြန်မာမိသားစုများ၊ ပြည်နယ်ဆီးနိတ်လွှတ်တော်အမတ်များနှင့် ပြည်ထောင်စုဝန်ကြီး ဒေါက်တာဇော်ဝေစိုး တွေ့ဆုံဆွေးနွေး (May, 2023)

အမေရိကန်ပြည်ထောင်စု၊ ကယ်လီဖိုးနီးယားပြည်နယ်တွင် မြန်မာမိသားစုများ၊ ပြည်နယ်ဆီးနိတ်လွှတ်တော်အမတ်များနှင့် ပြည်ထောင်စုဝန်ကြီး ဒေါက်တာဇော်ဝေစိုး တွေ့ဆုံဆွေးနွေး

၂၀၂၃ ခုနှစ်၊ မေလ (၂၆) ရက်

အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာနနှင့် ပညာရေးဝန်ကြီးဌာန၊ ပြည်ထောင်စုဝန်ကြီး ပါမောက္ခ ဒေါက်တာဇော်ဝေစိုးနှင့် ဆက်သွယ်ရေး၊ သတင်းအချက်အလက်နှင့် နည်းပညာဝန်ကြီးဌာန၊ ပြည်ထောင်စုဝန်ကြီး ဦးထင်လင်းအောင်တို့သည် (၂၄-၅-၂၀၂၃) ရက်နေ့တွင် အမေရိကန်ပြည်ထောင်စု၊ ကယ်လီဖိုးနီးယားပြည်နယ်၏ မြို့တော် Sacramento နှင့် Central Valley တို့မှ မြန်မာမိသားစုများနှင့် ရင်းရင်းနှီးနှီး တွေ့ဆုံခဲ့ကြပါသည်။ မြန်မာမိသားစုများက မြန်မာပြည်သူများ၏ ကျန်းမာရေး၊ ပညာရေး၊ ဆက်သွယ်ရေး၊ သတင်းအချက်အလက်နှင့် နည်းပညာဖွံ့ဖြိုးရေးတို့အတွက် အမေရိကန်ဒေါ်လာ (၃) သောင်းကျော်ကို လှူဒါန်းခဲ့ကြပါသည်။

ဆက်လက်၍ (၂၅-၅-၂၀၂၃) ရက်နေ့၊ နံနက်ပိုင်းတွင် ပြည်ထောင်စုဝန်ကြီးများသည် ကယ်လီဖိုးနီးယားပြည်နယ်လွှတ်တော်သို့ သွားရောက်ခဲ့ရာ ပြည်နယ်ဆီးနိတ်လွှတ်တော်အမတ်များက လွှတ်တော်အစည်းအဝေး မစတင်မီ ပြည်ထောင်စုဝန်ကြီးများအား ကြိုဆိုနှုတ်ခွန်းဆက်စကား ပြောကြားခဲ့ကြပါသည်။ ပြည်ထောင်စုဝန်ကြီးများသည် မွန်းလွဲပိုင်းတွင် Senator Benjamin J Allen နှင့် သီးခြားတွေ့ဆုံ၍ မြန်မာပြည်ရေးရာ ကိစ္စရပ်များကို ဆွေးနွေးခဲ့ကြကြောင်း သိရှိရပါသည်။

Ministry of Health,

National Unity Government.