⚠️ မုန်တိုင်း တိုက်ခတ်ပြီးနောက် လိုက်နာရန် ကျန်းမာရေးအချက်အလက်များ (မေလ၊ ၂၀၂၃ ခုနှစ်) ⚠️
မုန်တိုင်းနှင့်အတူ မိုးသည်းထန်စွာရွာသွန်းမှုကြောင့် ရေမှတစ်ဆင့် ကူးစက်တတ်သော ရောဂါများ (ဥပမာ – တိုက်ဖွိုက်ရောဂါ၊ လက်ပတိုစပိုင်ရိုးစစ်ရောဂါ) နှင့် ရောဂါမျိုးသယ်ဆောင်သော ပိုးမွှားကောင်များမှတစ်ဆင့် ကူးစက်တတ်သောရောဂါများ (ဥပမာ- ငှက်ဖျားရောဂါ၊ သွေးလွန်တုပ်ကွေးရောဂါ၊ ဆင်တုပ်ကွေးရောဂါ) တို့ ဖြစ်ပွားနိုင်ခြေ များလာနိုင်ပါသည်။
🌀 ရေ
စိတ်ချရသော ရေအရင်းအမြစ်မှ သောက်ရေကို သောက်သုံးပါ။
🌀 အစားအစာ
အစားအစာကို ကျက်အောင် ချက်ပြုတ်ပါ။ စားကြွင်းစားကျန်များကို စနစ်တကျ စွန့်ပစ်ပါ။ အစားအစာများကို ဖုံးအုပ်ထားပါ။ အိမ်မွေးတိရစ္ဆာန်များ၏ ဝေးရာတွင် သိမ်းဆည်းပါ။
🌀 အဝတ်အစား
မိမိကိုယ်ကို ခြောက်သွေ့ပြီး နွေးထွေးအောင် ထားပါ။
🌀 ကြီးကြပ်စောင့်ရှောက်ခြင်း
အပျက်အစီးများနားတွင် ကလေးများ ကစားခြင်းကို ခွင့်မပြုပါနှင့်။
🌀 တစ်ကိုယ်ရေသန့်ရှင်းရေး
အစားမစားမီနှင့် အိမ်သာအသုံးပြုပြီးချိန်တိုင်း လက်ကို ရေ၊ ဆပ်ပြာတို့နှင့် ဆေးကြောပါ။
🌀 ဘေးကင်းစေရေး ပထမဦးစားပေးပါ။
တွဲလောင်းကျနေသော ဝိုင်ယာကြိုးများနှင့် ခိုင်ခံ့မှုမရှိသော အဆောက်အအုံများနှင့် ဝေးရာတွင် နေထိုင်ပါ။
🌀 အစားအစာ စည်သွပ်ဘူးများ
အစားအစာ စည်သွပ်ဘူးများသည် အဖုံးပွင့်နေခြင်း၊ ဖောင်းနေခြင်း သို့မဟုတ် ပျက်စီးခြင်း မရှိသရွေ့ ကြာရှည်စွာ သိမ်းဆည်းထားနိုင်သည်။
🌀 လျှပ်စစ်မီး ပြတ်တောက်ခြင်း
မီးပြတ်ခြင်းကြောင့် အပူချိန်ထိန်းသိမ်းမှု မရှိသော အစားအစာများကို စားသုံးခြင်းသည် နာမကျန်းမှုကို ဖြစ်စေနိုင်သောကြောင့် အစားအစာများကို မစားသုံးမီ စားသုံးရန် သင့်၊ မသင့် စစ်ဆေးပါ။
🌀 နာမကျန်းဖြစ်ပါက
သင် သို့မဟုတ် မိသားစုဝင် တစ်ဦးဦး နာမကျန်းဖြစ်ပါက ဆရာဝန် သို့မဟုတ် ကျန်းမာရေးဝန်ထမ်းနှင့် ချက်ချင်းပြသဆွေးနွေးပါ။ ထိုကဲ့သို့ပြုလုပ်ခြင်းသည် အထူးသဖြင့် ဘေးလွတ်ရာသို့ ရွှေ့ပြောင်းနေထိုင်နေရသူများအကြား ရောဂါကူးစက်ပြန့်ပွားမှုကို ကာကွယ်နိုင်သည်။
Source: World Health Organization
ကျန်းမာရေးဝန်ကြီးဌာန၊ အမျိုးသားညီညွတ်ရေးအစိုးရ
Ministry of Health,
National Unity Government.
#nugmoh #cyclone #hurricane #typhoon #storm #healthtips #aftermath
Published on: 12 May 2023
Last updated: 12 May 2023