တယ်လီကျန်းမာ ဆေးခန်းအားလုံး မိတ်ဆက်ခြင်း

အများပြည်သူများ လွယ်လင့်တကူ ကျန်းမာရေးစောင့်ရှောက်မှုခံယူနိုင်စေရန်အတွက် တယ်လီကျန်းမာမိသားစုက အောက်ဖော်ပြပါ အခမဲ့အွန်လိုင်းဆေးခန်း (https://facebook.com/telehealthmm)  များကို ဖွင့်လှစ်ထားရှိပေးထားပါသည်။ 

(၁) အထွေထွေရောဂါကုများဆေးခန်း

(၂) အထူးကုဆေးခန်းများ 

(၃) COVID-19 သီးသန့်ဆေးခန်း

 အထွေထွေရောဂါကုဆေးခန်းများတွင်(၁) ကြိုတင်ရက်ချိန်းယူ၍ပြသရသောဆေးခန်း (၂) ကြိုတင်ရက်ချိန်းယူ၍ပြသရသောဆေးခန်း (၃) တန်းစီစနစ်ဖြင့် စောင့်ဆိုင်းပြသရသောဆေးခန်း…..ဟူ၍ (၃) မျိုးရှိပါသည်။
 နာတာရှည်ရောဂါများ ( ဥပမာ…နှလုံး ၊ သွေးတိုး ၊ ဆီးချို ၊ ကျောက်ကပ် ၊ အာရုံကြော ၊ အဆစ်အမြစ် ) ဝေဒနာရှင်များ အနေဖြင့်  ကြိုတင်ရက်ချိန်း ယူ၍ပြသရသော ဆေးခန်းများတွင် ပြသသင့်ပါသည်။
 တယ်လီကျန်းမာ၏ Messenger (m.me/telehealthmm) တွင် ဘိုကင်ယူ၍ မိမိအတွက် သတ်မှတ်ပေးသောအချိန်တွင် အလွယ်တကူဝင်ရောက်ပြသနိုင်ပါသည်။

 စောင့်ဆိုင်းရန် မလိုအပ်ပါ 
 လတ်တလော ရုတ်ချည်းဖြစ်လာသောဝေဒနာများ ( ဥပမာ…ဖျားနာခြင်း ၊ ဝမ်းလျောခြင်း) အတွက်  တန်းစီစနစ်ဖြင့် စောင့်ဆိုင်းပြသရသော ဆေးခန်းတွင် ပြသသင့်ပါသည်။ တယ်လီကျန်းမာ၏ Messenger တွင် လူနာအမှတ် ပြုလုပ်ပြီး ဆက်လက်ပြသနိုင်ပါသည်။ 
* ရှေ့လူနာများ ရှိနေနိုင်သည့်အတွက် စောင့်ဆိုင်းပေးရန် လိုအပ်ပါသည်*** 

“အထူးကုဆေးခန်းများ” သို့ လူနာမှ တိုက်ရိုက်ပြသ၍ မရပါ။
 အထွေထွေရောဂါကုဆေးခန်းများတွင် ဦးစွာပြသပြီး ၊ ရောဂါအခြေအနေအရ အထူးကု နှင့်ပြသရန် လိုအပ်သောလူနာများကို သက်ဆိုင်ရာအထူးကုဆေးခန်းသို့ လွှဲပြောင်း ပေးမည် ဖြစ်ပါသည် ။

 ကိုဗစ်လူနာများအနေဖြင့် တယ်လီကျန်းမာ၏ Messenger မှတစ်ဆင့် “COVID-19 သီးသန့်ဆေးခန်း” သို့ တိုက်ရိုက်ပြသနိုင်ပါသည် ။ 
တယ်လီကျန်းမာဆေးခန်းများကို ပိတ်ရက်မရှိ နေ့စဥ် နံနက် (၈) နာရီမှ ညနေ (၆) နာရီကြား ဖွင့်လှစ်ထားရှိပါသည်။ အခမဲ့ဆေးခန်းများ ဖြစ်ပါသည်။ 
“”ပြည်သူအပေါင်း ရောဂါကင်းကွာ၍ သက်ရှည်ကျန်းမာကြပါစေ “” 
“MOH တယ်လီကျန်းမာ … လူတိုင်းအတွက်ပါ”

Ministry of Health,

National Unity Government.

 Published on: 30 October 2021
Last Updated: 30 October 2021