၁။ သုတေသီများနှင့် တာဝန်ရှိပုဂ္ဂိုလ်များက သုတေသနလုပ်ငန်းဆောင်ရွက်ရာတွင် သုတေသန တွင် ပါဝင်သော လူပုဂ္ဂိုလ်များ၏ အန္တရာယ်ကင်းရှင်းမှု၊ လုံခြုံမှုနှင့် ကိုယ်ပိုင်လေးစားခွင့်တို့ကို မထိခိုက်စေရန်နှင့် လိုအပ်သည့် လမ်းညွှန်မှုများပေးနိုင်ရန် ရည်ရွယ်၍ အမျိုးသားညီညွတ်ရေး အစိုးရ (NUG)၊ ကျန်းမာရေးဝန်ကြီးဌာန၏ လူပုဂ္ဂိုလ်များအပေါ် သုတေသနစမ်းသပ်မှုဆိုင်ရာ ကျင့်ဝတ်ကော်မတီ (Ethics Review Committee – ERC) ကို (၈-၅-၂၀၂၂) ရက်နေ့တွင် ဖွဲ့စည်းလိုက်ပါသည်။
၂။ အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာန၊ လူပုဂ္ဂိုလ်များအပေါ် သုတေသန စမ်းသပ်မှုဆိုင်ရာ ကျင့်ဝတ်ကော်မတီ၏ တာဝန်ဝတ္တရားများမှာ အောက်ပါအတိုင်း ဖြစ်ပါသည်- (က) ကျန်းမာရေးဝန်ကြီးဌာနလက်အောက်ရှိ ဦးစီးဌာနများ၊ ဆေးရုံများနှင့် ကျန်းမာရေးဌာန များမှ ဝန်ထမ်းများ၊ အခြားနှီးနွှယ်ပညာရှင်များ၊ ပညာရေးဝန်ကြီးဌာနလက်အောက်ရှိ ဆေးနှင့် ဆေးနှီးနွှယ်တက္ကသိုလ်/ကျောင်းများ၊ ကုလသမဂ္ဂလက်အောက်ခံ အဖွဲ့အစည်း များ၊ အစိုးရမဟုတ်သောအဖွဲ့အစည်းများ (NGOs/ INGOs) နှင့် နိုင်ငံတကာ ကျန်းမာရေးဆိုင်ရာအဖွဲ့အစည်း (International Health Institution) များ အစရှိသည့် လူပုဂ္ဂိုလ်များနှင့် အဖွဲ့အစည်းများက ပြုလုပ်သည့် လူပုဂ္ဂိုလ်နှင့်ပတ်သက်သော (ရုပ်ပိုင်း ဆိုင်ရာ၊ စိတ်ပိုင်းဆိုင်ရာ၊ ခံယူချက်သဘောတရားဆိုင်ရာ) ကျန်းမာရေးသုတေသနများကို သုတေသနကျင့်ဝတ်ဆိုင်ရာ၊ ကျွမ်းကျင်မှုဆိုင်ရာ၊ လက်တွေ့အသုံးဝင်မှုဆိုင်ရာ၊ တည်ဆဲဥပဒေ၊ မူဝါဒနှင့် လုပ်ထုံးလုပ်နည်းဆိုင်ရာ စသည်ဖြင့် ရှုထောင့်ပေါင်းစုံမှ အလုံးစုံ ခြုံငုံသုံးသပ်၊ စိစစ်လမ်းညွှန်မှု ပေးနိုင်ရန်၊
ထုတ်ဝေသည့်နေ့စွဲ -- ၁၅ မေ ၂၀၂၂
နောက်ဆုံးမွမ်းမံသည့်နေ့စွဲ -- ၁၅ မေ ၂၀၂၂