“မိနစ်ပိုင်းပဲ အချိန်ပေး…ဒူးနာ သက်သာရေး”
ဒူးဆစ် လေ့ကျင့်ခန်း (July,2022)
အသက်ကြီးလို့ အရိုးအဆစ်မကျန်းမာတော့လို့ဘဲဖြစ်ဖြစ်၊ ဒူးခုံညင်းတစ်ဝိုက် ထိခိုက်မှုကြောင့် လှုပ်ရှားရခက်နေရင်ပဲဖြစ်ဖြစ်၊ ပေါင်ရှေ့ကြွက်သား (Quadriceps Muscle) အားနည်းတာကြောင့်ဖြစ်ဖြစ် ဖြစ်ပေါ်တတ်တဲ့ ဒူးဆစ်အနားက ကြွက်သားများတောင့်တင်းခြင်းနဲ့ အကွေးအဆန့်မလွယ်ကူခက်ခဲနေခြင်းများကို သက်သာစေမယ့် လေ့ကျင့်ခန်းအချို့ကို မျှဝေပေးလိုက်ပါတယ်။
အကျိုးရလာဒ် ထိရောက်စေဖို့ လေ့ကျင့်ခန်း (၄) မျိုးလုံးကို နေ့တိုင်းမှန်မှန်လေ့ကျင့်ပေးဖို့ လိုပါမယ်နော်။
အကယ်၍ ကိုယ်က ရှိသင့်တဲ့ကိုယ်အလေးချိန်ထက်များနေတယ်ဆို ဝိတ်အရင်ချသင့်ပါတယ်။ ဒူး ထပ်မနာအောင် ပြင်းထန်တဲ့ လေ့ကျင့်ခန်းအစား ခပ်ဖြည်းဖြည်းလမ်းလျှောက်ခြင်း၊ ယောဂ၊ နောက်ပိုင်းခေတ်စားလာတဲ့ Water aerobics လို ရေထဲမှာ လေ့ကျင့်ရတဲ့ ကစားနည်းတွေ လုပ်နိုင်ပါတယ်။
သကြားများလွန်းတဲ့ အစားအစာ၊ ငန်လွန်းတဲ့အစားအစာတွေကို ရှောင်သင့်ပြီး စားသင့်တဲ့အစားအစာများကတော့
• အရိုးနု ဖြစ်ပေါ်မှုကို အားပေးတဲ့ ပန်းဂေါ်ဖီစိမ်း၊ ငရုတ်ပွ၊ ချဉ်သောအသီးများ၊ ခရမ်းချဉ်သီး၊ အစိမ်းရောင် အသီးအရွက်များ။
• သတ္တုဓာတ်ကြွယ်ဝသော အသား ၊ ပုစွန် ကမာကောင်လို shelfishs အုပ်စုဝင်များ၊ ကောက်နှံ၊ ပဲ။
• Omega 3 ကြွယ်ဝသော အဆီပါသည့် ငါး၊ သံလွင်ဆီ၊ အစေ့အဆံများ။
• ကယ်လ်ဆီယမ် ရရှိစေဖို့ နို့နဲ့ နို့ထွက်ပစ္စည်းများ (အဆီထုတ်ထားရင် ပိုကောင်း)
ဒါဆို တစ်ပုံချင်းစီထောက်ကြည့်ပြီး ဒူးနာသက်သာစေမယ့် လေ့ကျင့်ခန်းများ လုပ်ကြည့်ရအောင်နော် ။
Reference 
Murtagh,J , 2016. Murtagh’s patient education. 6th Ed. Australia:Mcgraw-Hill Australia,pp.183.
NUG, MOH တယ်လီကျန်းမာ ၊ လူတိုင်းအတွက်ပါ
တယ်လီကျန်းမာတွင် ဆရာဝန်များနှင့် အွန်လိုင်းမှ အခမဲ့တိုင်ပင်ဆွေးနွေးနိုင်ပါသည်။
ပိတ်ရက်မရှိ ( နေ့စဉ် မနက် ၈နာရီမှ ညနေ၆နာရီအထိ )
ကုသမှုအားလုံး အခမဲ့ (အခမဲ့) ဖြစ်ပါသည်။
ကြိုတင်ဘိုကင်ယူရန်အတွက် ( https://m.me/telehealthmm )ကိုနှိပ်ပါ။
ချက်ချင်းဆေးခန်းပြရန်အတွက်( https://t.me/TelehealthMM )ကိုနှိပ်ပါ။
ကျန်းမာရေးဝန်ကြီးဌာန၊
အမျိုးသားညီညွတ်ရေးအစိုးရ
ထုတ်ဝေသည့်နေ့စွဲ -- ၂၂ ဇူလိုင် ၂၀၂၂
နောက်ဆုံးမွမ်းမံသည့်နေ့စွဲ --- ၂၂ ဇူလိုင် ၂၀၂၂