COVID-19 နှင့်ပတ်သက်၍ ပြည်သူလူထုကို အသိပေးနှိုးဆော်ခြင်း (၂၁-၂-၂၀၂၃)
ကမ္ဘာ့ကျန်းမာရေးအဖွဲ့၏ စာရင်းဇယားများအရ တစ်ကမ္ဘာလုံးတွင် COVID-19 ဖြစ်ပွားမှုနှင့် သေဆုံးမှုနှုန်းများမှာ ယခင်လနှင့် နှိုင်းယှဉ်ပါက သိသိသာသာ ကျဆင်းလျက်ရှိပါသည်။
လွန်ခဲ့သည့် တစ်လအတွင်း COVID-19 ရောဂါလူနာသစ် တွေ့ရှိမှုအများဆုံးနိုင်ငံများမှာ ဂျပန်၊ တရုတ်၊ အမေရိကန်၊ တောင်ကိုရီးယားနှင့် ဘရာဇီးနိုင်ငံတို့ ဖြစ်ပြီး၊ သေဆုံးမှုအများဆုံးနိုင်ငံများမှာ တရုတ်၊ အမေရိကန်၊ ဂျပန်၊ ဘရာဇီး နှင့် အင်္ဂလန်နိုင်ငံတို့ ဖြစ်ပါသည်။
အရှေ့တောင်အာရှဒေသနိုင်ငံများအနက် COVID-19 ရောဂါ ကူးစက်ခံရသူ လူနာသစ်တွေ့ရှိမှု နှင့် သေဆုံးမှု အများဆုံးနိုင်ငံများမှာ အင်ဒိုနီးရှားနိုင်ငံ၊ အိန္ဒိယနိုင်ငံနှင့် ထိုင်းနိုင်ငံတို့ ဖြစ်ပါသည်။
မျိုးရိုးဗီဇအသစ်ဖြစ်သည့် XBB.1.5 မျိုးကွဲသည် တစ်ကမ္ဘာလုံးတွင်လျင်မြန်စွာ စတင်ပျံ့နှံ့နေကြောင်း သတိပေးချက်ကို အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာနအနေဖြင့် ၂၀၂၃ ခုနှစ်၊ ဇန်နဝါရီလအတွင်းက ထုတ်ပြန်ခဲ့ပြီး ဖြစ်ပါသည်။
ယခုအခါ XBB.1.5 မျိုးကွဲ သည် နိုင်ငံပေါင်း (၆၇) နိုင်ငံထိ ပျံ့နှံ့လျက်ရှိပါသည်။
COVID-19 ရောဂါအတွက် အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာနက ထုတ်ပြန်ထားသော ကျန်းမာရေးလမ်းညွှန်ချက်များကို လိုက်နာကြရန် ဖြစ်ပါသည်။
Ministry of Health,
National Unity Government.
Published on: 21 February 2023
Last Updated: 21 February 2023